WILLEMSTAD, 5 di Mei 2013: Tur hende ku ta haña importante pa kuida nan motor di outo sa ku e zeta di Shell ta e produkto ku nan mester uza. Kuzeta NV, distribuidor ofishal di produktonan di Shell a adaptá nan kampaña eksistente ku nan tin riba nan produkto di zeta pa motor di gasolin, ku ta konsistí di e liña di Shell Helix, pa asina duna klientenan mas oportunidat pa por risibí un Tapasolo grátis.

Aworakí klientenan ku kumpra un bòter di 1 galòn òf 2 bòter chikitu di e produktonan di e liña di Shell Helix ta risibí un tapasolo. Ku esaki no solamente klientenan ku kumpra produktonan di Shell Helix ta protehá i kuida nan motor, pero ku e tapasolo aki nan por protehá i kuida nan dash-board di nan outo tambe.

Shell Helix HX tin un liña di produkto amplio ku ta kontené e asina yamá teknologia adpativo (”adaptive technology”) ku ta permiti e zeta adapatá su mes fisikamente i kimikamente na e nesesidatnan / sirkumstansianan di e motor ku ta kambia konstantemente. Dor di esaki bo outo ta haña un mihó rendimentu i un protekshon máksimo, konsekuentemente e motor ta funshoná mas efisiente i gasta ménos gasolin. Bo por skohe den e siguiente produktonan di e liña di Shell Helix:

Shell Helix Ultra : ta un zeta kompletamente sintétiko

Shell Helix HX7: ta un zeta semi sintétiko

Shell Helix HX5 E: ta un zeta mineral

Tur kliente por kumpra e produktonan di Shell Helix na tur supermerkado, toko, minimarket, autoparts i pòmpstation. Na kompra bo ta risibí un kupòn ku por wòrdu troka pa un tapasolo huntu ku bo resibu na Kuzeta N.V. situá na Seru Loraweg z/n òf na Rooseveltweg 64 . Probechá di e tremendo kampaña aki i protehá bo outo ku e produktonan di Shell Helix awe mes!

Pa mas informashon por tuma kontakto ku Kuzeta N.V. na number 747-2111 òf e-mail na sales@kuzeta.com